Никольско-Иорданская Церковь

 

 

Главная
История храма
Житие св. Николая
Чудеса св. Николая
Обзор икон св. Николая
Православный календарь
О Постах
Молитвы
Десять заповедей
Домашний иконостас
Расписание служб
Гостевая книга
Ваша помощь

 

Сервер 'Россия Православная'

 

  Молитвы /

ТРОПАРИ РАВНОАПОСТОЛЬНЫМ


Тропарь. Аверкию, еп. Иерапольскому, чдтв.
Истины проповедник и чудотворец дивен показался еси, / сирот отец и нищих заступник, / бодрый пастырь словеснаго стада, бесом страшен, / всех убо от тех нападений заступай, вопиющих ти: / Аверкие отче наш, / моли Христа Бога, / да спасет души наша.


Тропарь. Кириллу, Мефодию, Клименту, еп. Охридскому, Науму, Савве, Горазду и Ангеляру (Болг.).
Венцы хваления увенчаим седмочисленники славныя, / Кирилла со Мефодием, Климента, Наума со Саввою / и Горазда со Ангеларием, / яко светила возсиявшия / и Триединаго Бога нам благовестившия, / столпы незыблемыя Церкве Болгарския / и богодухновенныя поборники слова нашего, / бесовское идолом поклонение упразднившия / и Христу Богу молящияся, / Церковь нашу утвердити / и душам нашим даровати / мир и велию милость.


Величание. Кириллу, Мефодию, Клименту, еп. Охридскому, Науму, Савве, Горазду и Ангеляру (Болг.).
Величаем вас, / святии равноапостоли седмочисленнии, / вся словенския страны ученьми своими просветивший / и ко Христу приведший.


Тропарь. Борису, во св. Крещении Михаилу, блгв. царю (Болг.).
Исполнен страха Божия / и Крещением святым просвещен, / был еси жилище Святаго Духа, / благоверный царю Борисе. / Утвердив же веру Православную на земли Болгарстей / и жезл царствия оставив, / вселился еси в пустыню, / процвел еси в пбдвизех / и обрел еси благодать пред Господем. / Ныне же предстоя Престолу Всевышняго, / моли даровати нам, молящимся тебе, / спасение душ наших.


Тропарь. Владимиру, во св. крещ. Василию, вел. кн.
Уподобился еси купцу ищущему добраго бисера, / славнодержавный Владимире, / на высоте стола седя матере градов, / богоспасаемого Киева, / испытуя же и посылая к Царскому Граду / увидети православную веру, / обрел еси безценный бисер Христа, / избравшего тя яко втораго Павла, / и оттрясшаго слепоту во святей купели, / душевную вкупе и телесную. / Тёмже празднуем твое успение, / людие твой суще: / моли спастися душам нашим.


Величание. Владимиру, во св. крещ. Василию, вел. кн.
Величаем тя, / святый равноапостольный великий княже Владимире, / и чтим святую память твою, / идолы поправшаго и всю Российскую землю Святым Крещением просветившаго.


Тропарь. Горазду, архиеп. Моравскому.
Достойнейший преемник учителя своего Мефодия, / Моравския Церкве первопрестольника, / был еси, святителю отче наш Горазде, / столп Православия предивен, / мученик без крове, / и изгнание от своего стада коварными мужи претерпев. / Далече от своего отечества, Моравския земли, / утвердив проповедию догматы божественныя Истины, / Духом соединился еси со святыми учители своими Кириллом и Мефодием в Царстве Небеснем. / Моли о нас, блаженне, / верою почитающих память твою, / умирити мир и спасти души наша.


Тропарь. Кириллу и Мефодию, учителем Словенским.
Яко апостолом единонравнии / и словенских стран учителие, / Кирилле и Мефодие богомудрии, / Владыку всех молите / вся языки словенския утвердити / в православии и единомыслии, / умирити мир и спасти души наша.


Тропарь. Кириллу, учителю Словенскому.
От пелен прилежно Премудрость сестру себе сотворив, Богогласе, / пресветлую видев, яко девицу чисту, / юже приемь, приведе, / яко монисты златыми, сею украсив свою душу и ум, / и обретеся яко другий Кирилл, блаженне, / разумом и именем мудре.


Величание. Кириллу, учителю Словенскому.
Величаем вас, / святии равноапостольнии Мефодие и Кирилле, / вся словенския страны ученьми своими просветившия / и ко Христу приведшия.


Тропарь. Клименту, архиеп. Охридскому.
Словесы наставил еси языки в веру Христову, / делы же возвысил еси себе к Божественней жизни, / святителю Клименте равноапбстольне, / чудесы сияя приступающим к тебе верно / и знаменьми озаряя Церковь преславно, / сего ради честную твою память славим.


Величание. Клименту, архиеп. Охридскому.
Величаем Тя, / святителю отче Клименте, / иже ученьми твоими роды словенския просветил еси / и ко Христу привел еси.


Тропарь. Константину, царю.
Креста Твоего образ на Небеси видев / и, якоже Павел, звание не от человек прием, / в царех апостол Твой, Господи, / Царствующий град в руце Твоей положи, / егоже спасай всегда в мире молитвами Богородицы, / едине Человеколюбче.


Величание. Константину, царю.
Величание (Константину и Елене):Величаем вас, / святеи благовернии и равноапостольнии царие Константине и Елено, / и чтим святую память вашу, / вы бо святым Крестом / всю вселенную просветили есте.


Тропарь. Марии Магдалине, Мироносице.
Христу, нас ради от Девы рождшемуся, / честная Магдалино Марие, последовала еси, / Того оправдания и законы хранящи: / темже днесь всесвятую твою память празднующе, / грехов разрешение / молитвами твоими приемлем.


Величание. Марии Магдалине, Мироносице.
Величаем тя, / мироносице святая равноапостольная Марие Магдалино, / и чтим болезни и труды твоя, / имиже трудилася еси / во благовестии Христове.


Тропарь. Мефодию, архиеп. Моравскому.
Святителя Твоего, Христе, / творящим светло торжество успения / милость Твою свыше подаждь, / отверзи же Царствия двери, / разреши же узы наша многих грехов / ходатайством святаго Твоего ученика, / отца нашего.


Тропарь. Науму Охридскому.
Мир оставил еси, прилепився Христу, / плоть распял еси, пожив Духу, / Науме всеблаженне, / потщался еси апостольским подвизатися течением / и уловил еси к вере Болгарская неисчетная множества. / Темже молитвами твоими / избави нас от искушений.


Тропарь. Николаю, архиеп. Японскому.
Апостолов единонравне и сопрестбльне, / служителю Христов верный и Богомудрый, / цевнице избранная Божественнаго Духа, / сосуде преизливающийся любве Христовы, / Японския земли просветителю, / святый Николае, иерарше равноапостольне, / молися Живоначальней Троице / о всем твоем стаде / и о всем мире.


Тропарь. Нине, просветительнице Грузии.
Слова Божия служительнице, / во апостольстей проповеди Первозванному Андрею и прочим апостолом подражавшая, / просветительнице Иверии / и Духа Святаго цевнице, / святая равноапостольная Нино, / моли Христа Бога / спастися душам нашим.


Тропарь. Ольге, во св. крещ. Елене, вел. кн. Российской.
Крилами Богоразумия вперивши твой ум, / возлетела еси превыше видимая твари, / взыскавши Бога и Творца всяческих, / и Того обретши, паки рождение крещением прияла еси: / древа животнаго наслаждающися, / нетленна вовеки пребываеши, Ольго приснославная.


Величание.Ольге, во св. крещ. Елене, вел. кн. Российской.
Величаем тя, / святая равноапостольная княгине Ольго, / яко зарю утреннюю в земли нашей возсиявшую, / и свет веры православныя народу своему предвозвестившую.


Тропарь. Фекле, первомц.
Словесем Павловым научившеся Богоневестная Фекло, / и верою утвердившися от Петра Богозванная, / первомученица явилася еси, и первострадальница в женах, / возшла, еси на пламень, яко на место благоцветущее, / звери и юнцы устрашишася тебе, вооружися бо Крестом. / Тем моли, всехвальная, Христа Бога, / спастися душам нашим.

 

Copyright © Николо-Иорданская Церковь 2007-2008