Никольско-Иорданская Церковь

 

 

Главная
История храма
Житие св. Николая
Чудеса св. Николая
Обзор икон св. Николая
Православный календарь
О Постах
Молитвы
Десять заповедей
Домашний иконостас
Расписание служб
Гостевая книга
Ваша помощь

 

Сервер 'Россия Православная'

 

  Молитвы /

ТРОПАРИ АПОСТОЛАМ


Тропарь. Андрею Первозванному.
Яко апостолов первозванный / и верховнаго сущий брат / Владыце всех, Андрее, молися, / мир вселенней даровати / и душам нашим велию милость


Тропарь. Силе, Силуану, Крискенту, Епенету и Андронику, апп. от 70-ти.
Лик пяточисленный апостол Христовых песньми восхвалим, / Силу, Силуана, Крискента, Андроника со Епенетом, / сии бо идольскую лесть обличиша / и, неверныя в веру уловйвше, / молят непрестанно о всех, память их величающих.


Тропарь. Архиппу, ап. от 70-ти.
Учениче Павлов и апостоле Христов, Архиппе, / Евангелия провозвестниче и Колоссаев учителю, / каменное побиение приемый, / аки драгоценное украшение, / имже венец мучения украсив, вшел еси на веселие Царствия, / идеже помяни нас поющих твою память, / апостолов сопрестольниче.


Тропарь. Иакову, брату Господню по плоти.
Яко Господень ученик восприял еси, праведне, Евангелие, / яко мученик имаши еже неописанное, / дерзновение яко брат Божий, / еже молитися яко иерарх: / моли Христа Бога спастися душам нашим.


Тропарь. Иакову Зеведееву.
Апостол Христов был еси избранный / и Богослову возлюбленному брат единородный, / всехвальне Иакове, / поющим тя грехов оставление испроси / и душам нашим велию милость.


Тропарь. Иоанну Богослову.
Апостоле Христу Богу возлюбленно, / ускори избавити люди безответныя, / приемлет тя припадающа. Иже падша на перси приемый. / Егоже моли. Богослове, / и належащую мглу языков разгнати, / прося нам мира и велия милости.


Тропарь. Иуде, брату Господню.
Христова тя сродника, о Иудо, ведуще и мученика тверда, / священно восхваляем, / прелесть поправша и веру соблюдша. / Темже, днесь всесвятую твою память празднующе, / грехов разрешение молитвами твоими приемлем.


Тропарь. Луке, евангелисту.
Апостольских деяний сказателя / и Евангелия Христова светла списателя, / Луку препётаго, славна суща Христове Церкви, / песньми священными святаго апостола похвалим, / яко врача суща, человеческия немощи, / естества недуги и язи душ исцеляюща / и молящася непрестанно за души наша.


Тропарь. Матфею, евангелисту.
Усердно от мытницы к звавшему Владыце Христу, / явльшуся на земли человеком за благость, / Тому последовав, апостол избранный явился еси / и благовестник Евангелия вселенней велегласен. / Сего ради чтим честную память твою, Матфее Богоглаголиве, / моли милостиваго Бога / да грехов оставление подаст душам нашим.


Тропарь. Петру и Павлу, первоверховным Апостолам.
Апостолов первопрестольницы, / и вселенныя учителие, / Владыку всех молите / мир вселенней даровати / и душам нашим велию милость.


Величание. Апостолам Петру и Павлу.
Величаем вас, / апостоли Христовы Петре и Павле, / весь мир ученьми своими просветившия / и вся концы ко Христу приведшия.


Тропарь. Петру (поклонение честным веригам an. Петра).
Рима не оставль, к нам пришел еси / честными веригами, яже носил еси, апостолов первопрестольне. / Имже верою покланяющеся, молимся: / твоими к Богу молитвами / даруй нам велию милость.


Тропарь. Симеону, сроднику Господню, сщмч.
Христова тя сродника, Симеоне священноначальниче, / и мученика тверда священно восхваляем, / прелесть потребившаго / и веру соблюдшаго. / Темже, днесь всесвятую твою память празднующе, / грехов разрешение молитвами твоими приемлем.


Тропарь. Собору славных и всехвальных 12-ти апостолов.
Апостолов первопрестольницы / и вселенным учителие, / Владыку всех молите / мир вселенней даровати / и душам нашим велию милость.


Тропарь. Стефану, первомч. и архидиак.
Подвигом добрым подвизался еси, / первомучениче Христов и апостоле, / и мучителей обличил еси нечестие. / Камением бо побиен от рук беззаконных, / венец от яже свыше десницы приял еси, / и к Богу взывал еси вопия: / Господи, не постави им греха сего.


Величание. Стефану.
Величаем тя, / страстотерпче святый Стефане, / и чтим честная страдания твоя, / яже за Христа претерпел еси.


Тропарь. Тимофею.
Благости научився и трезвяся во всех, / благою совестию священнолепно оболкся, / почерпл еси от сосуда избранного неизреченная / и, веру соблюд, равное течение совершил еси, / апостоле Тимофее, / моли Христа Бога / спастися душам нашим.


Тропарь. Фаддею, ап. от 70-ти.
Днесь Едес град веселится, / прием тобою Крещения баню, / и Авгарь, страстей пременен, твою память славит. / С нимиже поем и мы: / веселия духбвнаго исполни живот наш / и страсти исцели, / Фаддее апостоле, молитвами твоими.


Тропарь. Филиппу.
Благоукрашается вселенная, / Ефиопия ликовствует, / яко венцем красуема, / тобою просветившися, / светло торжествует память твою, / Богоглагбливе Филиппе, / вся бо веровати Христу научил еси / и течение совершил достойно Евангелия. / Тем дерзновенно варит Ефиопская рука к Богу, / Егоже моли даровати нам велию милость.


Тропарь. Фоме.
Ученик Христов быв, Божественнаго собора апостольскаго сопричастник, / неверствием бо Христово Воскресение известив / и Того пречистую страсть осязанием уверив, Фомо всехвальне, / и ныне нам проси мира и велия милости.

 

Copyright © Николо-Иорданская Церковь 2007-2008