ТРОПАРИ НЕБЕСНЫМ СИЛАМ БЕСПЛОТНЫМ

Тропарь. Ангелу хранителю.
Ангеле Божий, / хранителю мой святый, / живот мой соблюди во страсе Христа Бога, / ум мой утверди во истиннем пути, / и к любви горней уязви душу мою / да тобою направляема / получу от Христа Бога велию милость.

Тропарь. Архангелу единому.
Небесных воинств Архистратиже, / молим тя присно мы недостойнии, / да твоими молитвами оградиши нас / кровом крил невещественныя твоея славы, / сохраняя ны, припадающия прилежно и вопиющия: / от бед избави ны, / яко чиноначальник Вышних Сил.

Тропарь. Безплотным Силам.
Небесных воинств Архистратизи, / молим вас присно мы недостойнии, / да вашими молитвами оградите нас / кровом крил невещественныя вашея славы, / сохраняюще ны припадающия прилежно и вопиющия: / от бед избавите ны, / яко чиноначальницы Вышних Сил.