ТРОПАРИ БЕЗСЕРЕБРЕНИКАМ

Тропарь. Косме и Дамиану Асийским.
Святии безсребреницы и чудотворцы, Космо и Дамиане, / посетите немощи наша: / туне приясте, туне дадите нам.

Величание. Косме и Дамиану Асийским.
Величаем вас, / чудотворцы славнии, Космо и Дамиане, / и чтим святую память вашу, / наставницы заблуждшим, исцелители болящим / и собеседницы Ангелом.

Тропарь. Киру и Иоанну.
Премудрии вселенней врачеве, / Кире и Иоанне, / от Бога приясте власть целити недуги душевныя, / вкупе же и телесныя, / и ныне молитеся / сохранити град и люди от одержащих зол / и спасти молитвами вашими души наша.