ТРОПАРИ ВЕЛИКОМУЧЕНИКАМ

Тропарь. Анастасии Узорешительнице.
Победоноснаго Воскресения / истинноименитая наречена еси, / мученице Христова, / победы на враги поставила еси мук терпением, / Христа ради, Жениха твоего, / Егоже возлюбила еси. / Того моли спасти души наша.

Тропарь. Артемию.
Истинною бо Христовою верою / утверждься, страстотерпче, / мучителя злочестива царя / победил еси со идольским того возношением. / Тем от Царя Великаго, вечно царствующаго, / пресвет лым венцем победным одарен бысть, / вся исцеляяй болящия и призывающия тя, Артемие великий, / моли Христа Бога / спасти души наша.

Тропарь. Варваре.
Агнице всеблаженная Варваро, / Божественне озарившися светом Святыя Троицы Трисолнечным / и в купели ут вердившися в побеждение лести отеческия, / веру исповедала еси Христову. / Тем, всечестная, свыше благодать тебе дарова Бог, / исцеляти недуги и болезни вся. / Егоже моли, великомученице, да спасет души наша.

Тропарь. Георгию Победоносцу.
Яко пленных свободитель и нищих защититель, / немощствующих врач, Царей поборниче, / победоносче велико мучениче Георгие, / моли Христа Бога / спастися душам нашим.

Тропарь. На освящение церкви вмч. Георгия в Киеве.
Днесь блажат тя мира концы, / Бо жественных чудес исполншеся, / и земля радуется, напившися крове твоея. / Хри стоименитии же людие града Киева / освящением Божественнаго храма твоего / радостию возвеселишася, / страстотерпче Георгие, / сосуде избранный Святаго Духа, угодниче Христов. / Егоже моли с верою и мольбою приходящим во свя тый твой храм / дати очищение грехов, / умирити мир и спасти души наша.

Тропарь. Димитрию Солунскому.
Велика обрете в бедах / тя поборни ка вселенная, страстотерпче, / языки по беждающа. / Якоже убо Лиеву низложил еси гордыню, / и на подвиг дерзновенна сотворив Нестора, / тако, святе Димитрие, / Христу Богу молися / даровати нам велию милость.

Тропарь. Евфимии Всехвальной.
Жениха твоего Христа возлюбивши / и свещу твою светлу уготовльши, / добро детельми возсиявши, всехвальная Евфимие, / тем возшла еси с Ним на брак, / ве нец страдания от Него приемши. / Но от бед избави нас, / чтущих верою память твою.

Тропарь. Екатерине.
Добродетельми, яко лучами солнечными, / просветила еси неверныя мудре цы. / И, якоже пресветлая луна ходящим в нощи, / неверия тьму отгнала еси / и царицу уверила еси, / вкупе же и мучите ля обличила еси, / Богозванная невесто, блаженная Екатерино, / желанием вос текла еси в Небесный чертог / к прекрасному Жениху, Христу, / и от Него царс ким венцем венчалася еси: / Емуже, со Ан гелы предстоящи, / за ны молися, / творящия пречестную память твою.

Тропарь. Иакову Персянину.
Мучении странноужасными и добле стию терпения / всех преудивил еси, мно гострадальне, / над коимждо составом удеси резания, / благодарны мольбы пре дивне изрекл еси Господу. / Тем, во стра дании твоем венец прием, / к Престолу возшел еси Небеснаго Царя Христа Бога, Иакове, / Того моли спасти души наша.

Тропарь. Иоанну Новому, Сочавскому.
Житие на земли добре окормляя, страдальче, / милостынями, и частыми молитвами, и слезами, / паки же ко страданию мужески устремився, / персское обличил еси нечестие. / Темже Церкве был еси утверждение / и христиан похвало, / Иоанне приснопамятно.

Тропарь. Мине.
Яко Безплотным собеседника / и страстотерпцем единовсельника, / сошедшеся верою, Мино, восхваляем тя, / мира мирови испроси / и душам нашим велия милости.

Тропарь. Никите Константинопольскому.
Крест Христов яко некое оружие усердно восприим, / и к борению врагов притекл еси, / и за Христа пострадав, / последи огнем священную твою душу Господу предал еси, / отонудуже и даров исцеления от Него сподобился еси прия ти, / великомучениче Никито. / Моли Христа Бога, спастися душам нашим.

Тропарь. Пантелеимону Целителю.
Страстотерпче святый и целебниче Пантелеимоне, / моли милостиваго Бога, / да прегрешений оставление / подаст душам нашим.

Величание. Пантелеимону Целителю.
Величаем тя, / страстотерпече святый великомучениче и целебниче Пантелеимоне, / и чтим честная страдания твоя, / яже за Христа / претерпел еси.

Тропарь. Феодору Стратилату.
Воинствословием истинным, страс тотерпче, / Небеснаго Царя воевода предобрый был еси, Феодоре, / оружиями бо веры ополчился еси мудренно / и победил еси демонов полки, / и победоносный явился еси страдалец. / Темже тя верою / присно ублажаем.

Тропарь. Феодору Тирону.
Велия веры исправления / во источнице пламене, яко на воде упокоения / святый мученик Феодор радовашеся, / огнем бо всесожжегся, / яко хлеб сладкий Троице принесеся. / Того молитвами, Христе Боже, / спаси души наша.

Тропарь. Николаю Софийскому.
Зарею Духа обогатився, славне, / и оттуду восприим дерзновение, / исповедал еси на судищи мужески Троицу Единосущную, / тмже и камением побиваемь, / не покорился еси. / Огнем же сожигаемь, / обличил еси прелесть безбожных, / многострадальне святе Николае. / Сего ради молим тя: / испроси душам нашим / велию милость.